وأخيرا الواحد استعاد صحته وعافيته بعد الإمتحانات...ياااااه، ماقلكوش على المعاناة لأنه الكل بمر فيها بين الحين والأخر.... المهم، فكر يا عوكل شو بدك تكتب... شو بدك تكتب.... الحق، فشي اشي تكتب عنه !! ويخ...
معقول أثر الامتحانات لسه معلق بمخي وما راحت سمومه من تفكيري، احتمال وارد جدا... وأكبر دليل على هاد الشي هوا الموضوع اللي بدي أحكي فيه ! بس يا ريت اذا حد مر بالحالة هاي قبل هيك يوصفلي علاجها وله جزيل الثواب من الرب والسماء، وباركته العذراء ... (ايييش؟!)
هادا يا شباب كل يوم زي الأسد بروح من الجامعة عالساعة 4 ، بنوصل البيت وغززز يا ولد عالمطبخ، بناكل اللي فيه النصيب ( انتا وحظك)... وبعديها بنقوم نريح شوي لأنه الواحد مسكين من صراصير الصبح طالع عالجامعة... نريح شوي بالوضع الطبيعي كانت تكون ساعتين بالكتير 3 ساعات هادا اذا كان يوم كحل ومتصبح في عايشة بنت جيرانا ( الله لايوريكي اياها يوم الصبح، اليوم بقلب سواد بعديها)...
المهم، اللي من يوم ما خلصت امتحاناتي يعني ابو شي اسبوع زمن، كالعادة بروح بنام بعد الجامعة هب هب بصحى الا هيا الساعة واحدة ونص بالليل، وييييخ، أول يوم قلنا يمكن الواحد تعبان، تاني يوم يمكن صدفة، بس بعد هيك تخنت القصة، وكل يوم صارت، حتقولولي نبهو الجوال، عالفااااااضي، لأنه هاد الجوال مصمم انه يصحى الإنسان الطبيعي، مش واحد لو شحن أبو 18 عجل دعوس عليه ما بصحى زي أخوكو عوكل....
بعد أفضل تفسيراتي وتحليلاتي لهاي القصة، بقول يمكن الواحد أيام الامتحانات عشان ما بنام كتير فبعوض بعد ما يخلص انه بقضيله كم يوم سطل، بس طولت القصة، وبدت تأثر على الحياة الدراسية والمهنية وحتى الاجتماعية !!!
هوا أي نعم زي ما بقول دايما انه النوم سلطان، بس يا أخي تخنت القصة، فيا شباب الي عنده خلفية بيهك موضوع يفيدنا كيف ممكن ننهي هالإدمان اللي انبلينا فيه !!!
said:
said:
said:
من فلسطين